Vekesprodukt: Vegetarburger frå Oslo

Vegetarburger gulrot og purreVegetarburgerVegetarburger paprika og fullkorn

 

 

 

 

 

 

Desse tre  vegetarbugerane til  Raske Retter på Østerås i Oslo, er verdt å smake på. Vi kan tilby variantane vegetarburger med gulrot og purre, og med blomkål og brokkoli, samt fullkornsburger med tomat og paprika. Framgangsmåten er å blande innhaldet i pakkene med eit egg, og deretter forme og steikje burgerane, -enkelt og greit! På kvar pakke kjem det forslag til passande tilbehør.

Stefan Krogh, som er mannen bak Raske Retter, lanserte dei fyrste økologiske krydderblandingane sine i 2012, med forretningsidèen om å skape ein plass for økologiske tørrvarer i Toro-verda. Les meir om Raske Retter her.

Kom gjerne innom torsdag, fredag eller laurdag og smak på desse gode burgerane.

Vekesprodukt: Rørosrømme

Denne veka vil vi presentere rømme frå Rørosmeieriet. Denne rømmen er laga av fløyte og mjølkesyrekultur, og han er langtidssyrna, lavpasteurisert og ikkje-homogenisert. Dette gjev ein ekstra smakfull rømme med høg kvalitet og fløyelsmjuk konsistens. Rømmen er kokestabil og passar godt i både sausar, supper, dressingar og dip. Serveringstips: Du kan lage ein veldig god dip ved å blande rømmen med krydder til smør, poteter og salat frå Søstrene Råstad. -Nam-nam! : -)

Forretningsidéen til  Rørosmeieriet er å «tilby økologisk mat av høy kvalitet gjennom industrialisert håndverksproduksjon, med utspring i rike mattradisjoner og gode råvarer fra Rørostraktene»,  og dei har som mål å vera det framste økologiske meieriet i Norge. Dei legg òg vekt på at emballasjen deira skal vera miljøvenleg. Les meir om Rørøsmeieriet her.

Kom innom og få smaksprøve av rømmen torsdag, fredag eller laurdag!

Sal på julevarer og Gosjokoladen

Vi har nå sal på julevarer:

  • «Christmas Collection» fruktgummi frå Økovital
  • Spelt pepparnøtter og spelt pepparkaker frå Den Gode Baker
  • Sjokoladekonfekt frå Woodshade Organics.
  • Vi har òg sal på Gosjokoladen frå Follebu, med smakane kokos, nøttekubbe, lakris og kakao rørepinne. Desse sjokoladene er alle sukker-, laktose- og glutenfrie, samt fairtrade og så langt det er mogleg økologiske.

Velkomen innom på nyåret!

Vekesprodukt: Speltkjeks m/Rørossmør

Speltkjeks frå Den Gode Baker i Stokke er laga av sammale og sikta spelt, Rørossmør og Himalayasalt. Vi tilbyr òg ein variant som i tillegg inneheld chiafrø. Ingrediensane i kjeksen er norske så sant bakeriet får tak i dette.

Den Gode Baker  vart starta opp i liten skala i Sandefjord av danske Kim Christoffersen, ein tidlegare fabrikkblautkakebakar som hadde vorte inspirert av økologisk produksjon på Camphill-landsbyen Vidaråsen. Kim ville ikkje ha meir halvfabrikat og tilsetnadsstoff i bakinga si, og Den Gode Baker er nå ein av dei største leverandørane av økologiske bakevarer i Norge, som òg brukar lokale samarbeidspartnerar så sant dette går an.

Kjem du innom torsdag, fredag eller laurdag, så kan du få smaksprøve av kjeksen, og vi sprettar ei krukke med pesto frå Helios som tilbehør.

Vekesprodukt: Gosjokoladen frå Gausdal

NøttekubbeVi har nå fått inn eit «lass» med Gosjokoladen frå Sjokoladejentene i Follebu i Gausdal. Denne mørke sjokoladen er sukkerfri, glutenfri, laktosefri, raw og fairtrade, – stort sunnare sjokoloade må ein nok leite lenge etter! Ho er dessutan produsert økologisk så langt det let seg gjera, og i tillegg smakar ho heilt fortreffeleg!

KokosDu kan lesa meir om Gosjokoladen og Gokroppen (firmaet til sjokoladejentene) her.

Vi har smaksprøve av denne nydelege sjokoladen kvar dag fram mot jul.

Vekesprodukt: Grautris frå Helios m/lokalt tilbehør

Denne veka presenterer vi fleire vekesprodukt, som ein til saman kan nytte til å lage risengrynsgraut. Vi kan tilby følgjande: Helios grautris, heilmjølk  frå Rørosmeieriet (vi har òg lettmjølk), grautCeylon-kanel frå Aukrust, rårøyrsukker frå Cuba i lausvekt, samt havsalt og Himalayasalt i lausvekt.

For dei som likar litt salt kjøt attåt grauten, kan vi tilby fleire lokale spekepølser, med geit, elg, hjort, rein, gris og ku, og vi har òg mandel til grauten i lausvekt. Har du bruk for noko meir/anna til grauten din, er det berre å spørja oss!

Torsdag, fredag og laurdag kan du koma innom og få smake på risengrynsgrauten vår!

Opningstidar i desember

Slik blir opningstidene våre i desember:

Til og med 18. desember:
Måndag, tysdag, onsdag, fredag: 10-16
Torsdag: 10-17xmas
Laurdag: 10-15
Søndag: Stengt

Siste veka før jul (19.-23.12):
Måndag-fredag: 10-17

I romjula (27.-30.12.):
Tysdag-fredag: 10-15

Julaften, 1. og 2. juledag, nyttårsaften (24.-26.12, 31.12):
Stengt

Som vanleg held ikkje Grøn tråd søndagsope eller ekstra langopenkveldar fram mot jul. Grunnen til dette er at vi ønskjer å stå imot presset på opningstidene i varehandelen. Undersøkjingar viser at korkje butikkar eller kundar ønskjer frislepp av opningstidene, men når nokon byrjar opne lengre, må dei andre likevel følgje etter for ikkje å tape kundar. Resultatet blir mellom anna

  • rovdrift på naturen fordi folk handlar enda meir dei ikkje treng
  • rovdrift på dei butikktilsette som må jobbe til meir og meir
    ubekvemme tider
  • at vi alle får mindre og mindre tid som er fri frå stress og
    mas
  • at det blir dyrare å drive butikk fordi det trass alt er grenser
    for kor stort salspotensial det finst, noko som vidare fører til
    auka prisar.

Alt i alt håpar vi kundane våre set pris på at vi ønskjer dykk
(og oss) handlefrie søndagar og elles normale opningstider!

Venleg helsing Randi og Trude i Grøn tråd

Vekesprodukt: Spelt pepparkaker frå Stokke

Spelt pepparkaker frå Den Gode Baker i Stokke i Vestfold er vekesproduktet vårt denne veka. Dei inneheld sikta spelt, Rørossmør, røyrsukker, roesirup, mandlar, kanel, ingefær, nellik og natron.

Den Gode Baker vart starta opp i liten skala i Sandefjord av danske Kim Christoffersen, ein tidlegare fabrikkblautkakebakar som hadde vorte inspirert av økologisk produksjon på Camphill-landsbyen Vidaråsen. Kim ville ikkje ha meir halvfabrikat og tilsetnadsstoff i bakinga si, og Den Gode Baker er nå ein av dei største leverandørane av økologiske bakevarer i Norge, som òg brukar lokale samarbeidspartnerar så sant dette går an.

Kom gjerne innom torsdag, fredag eller laurdag og få smaksprøve av desse 100% økologiske og svært gode pepparkakene!