Da er det att berre to dagar av butikkdrifta vår, og vi trappar i dag opp salet til 40% rabatt på alle varer (minus grønsaker og inventar).

I tillegg hengjer vi oss på nattopent i kveld (sjølv om vi ikkje er tilhengjarar av lange opningstider, søndagsopent o.l.), og har opent til ca. kl. 22.00, eller så lenge det er folk innom.

💚leg velkomen innom for å hjelpe oss å tømme hyllene våre!

25% rabatt på alle varer, samt sal av inventar!

I dag trappar vi opp salet til 25% på alle varer (bortsett frå grønsaker og inventar).

Sidan ingen aktuell kjøpar har meldt seg, byrjar vi nå å tilby ein del av inventaret i butikken vår.
Dette inneber handle- og lausvektkorgene våre, samt mjølauser, glaskrukker, espressokanne og tekanner. I tillegg tilbyr vi fleire hyller, langbordet vårt, stolane og kjøleskapet.

Ferske grønsaker!

Årets fyrste herlege spinat, reddik og mizunasalat er på plass, frå Avdem på Lesja. Vi har òg fått meir mandelpoteter, raudbeter og kålrot. Ta ein titt i kjølekapet og grønsakshylla vår og la deg friste med sunt og grønt! Alt seljast i lausvekt, så ta gjerne med eigen emballasje.

Vi kjem til å ta inn nye grønsaker heilt fram til vi avsluttar butikken, og sel da desse til vanleg pris. Alle andre varer er framleis til 10%.

Opphøyrssal

Vi byrjar i dag med opphøyrssal, og har derfor 10% RABATT på ALLE VARER.

Det er likevel ikkje for seint å melde seg som evnt. kjøpar av Grøn tråd, så kom gjerne innom eller kontakt Randi på tlf. 900 58 159 viss du er interessert.

💚leg velkomen innom!

Vekesprodukt: Glutenfritt knekkebrød frå Stokke

Vi er så fornøgde med å ha funne eit godt, norskprodusert, glutenfritt og økologisk knekkebrød at vi nå atter viser det fram som vekesprodukt.

Knekkebrødet er knasande sprøtt og inneheld økologiske, glutenfrie havregryn, tapiokamiks, solsikke, sesam, linfrø, rapsolje, vatn og himalayasalt. På torsdag, fredag og laurdag har vi gratis smaksprøve av «god-knekkebrødet» vårt. Velkomen innom for ein smak!

Den Gode Baker held til i Sandefjord og starta med ein bakar som var lei av halvfabrikata og tilsetnadsstoff. Dei bakar brød, rundstykke, kjeks og mykje anna godt av reine, økologiske og så langt det let seg gjera norske råvarer, og dei har fleire glutenfrie produkt.

 

Vekesprodukt: Sjokolade frå Berit Nordstrand

Vekesproduktet vårt nå er mørk sjokolade med 72 % kakao, kokosblomstsukker, mandlar, quinoa, havsalt og vanilje, produsert av Berit Nordstrand. Denne sjokoladen er både økologisk, fairtrade, mjølkefri, glutenfri og vegansk, og er perfekt viss du har lyst på litt sukkerfattig og næringsrikt snacks. Berit er lege, forfattar og føredragshaldar og har engasjert seg i spørsmål knytt til kosthald og helse, og ho er saman med komikaren Klaus Sonstad aktuell med TV-programmet «Bra Godt» på TV2 .

I dag, fredag og laurdag kan du koma innom og smake på herlegheita til Berit!

Vekesprodukt: Troll-poteter frå Skjåk

Denne veka viser vi fram Troll-potet frå Søre Kvåle i Skjåk. Denne gode poteten har raudt skall og gulkvitt indre og oppfører seg omtrent som mandelpotet ved matlaging. Troll-potet er ypparleg til både middag og baking.

Vi kan anbefale å prøve potetene saman med potetkrydder frå Søstrene Råstad i Vågå eller frå Aukrust i Lom, og inviterer deg herved innom på smaksprøve av nettopp dette torsdag, fredag og laurdag!

Produsenten av Troll-potetene er Jan Erik Mæhlum, som òg leverer dei knallgode sukkerertene til oss om sommaren. Han har eit vekstskiftesamarbeid med garden Søre Hosar i Skjåk.