Velkomne til offisiell butikkopning

grand openingLaurdag brakar det laus, og vi er ikkje så lite spente no. Men nå står snart berre den morosamme delen av jobben att: å pakke ut flotte varer og setje dei inn i hyllene som står og ventar.

Butikkdørene opnar klokka 10, men klokka 12 har vi gleda av å ønskje dykk velkomne til offisiell opning, med noko enkel servering og underhaldning. Håper vi ser dykk der!

Nyheitsbrev nr. 14

Kjære venar av Grøn tråd,
– Veke nr. 14 etter bedriftstart er i gang!
Denne veka blir temmeleg «normal»; vi blir å finne på dei same plassane til dei same tidene. Vi er elles i ferd med å skrive under på ei leigekontrakt og håpar å koma oss innandørs på Otta i november, så det er ekstra spanande tider i vente!- Følg med i neste episode…!
Minnar om at det nå er mogleg å bestille 18 kg-sekkar med poteter, samt 5 kg-sekkar med gulrot, kålrot og raudbete.
Slik vil denne veka sjå ut:

      • Utsalsstad:
        Vi blir å finne utanfor Mega på Otta fredag og ved Lie-hjørnet i Vågåmo laurdag.
      • Opningstider:
        Otta: Frå ca. kl. 15.30 – 18.00.
        Vågå: Kl. 11.00 – 15.00.
      • Vareutval:
        • Grønsaksutvalet denne veka blir truleg som følgjer:
          Salat, gul og raud kepalauk, sjalottlauk, jordskokk, raudbete, gulbete, polkabete, poteter, gulrot, grønkål, kvitkål, raudkål, purre, sellerirot, graskar, steviaplanter og epler (Aroma frå Urnes i Sogn).
        • I tillegg har vi urtete og -krydder, epleknask (frå Aukrust), spekepølser av storfe/gris og geit, tyting-, rabarbra- , solbær- og blåbærsyltetøy, egg og alpakkagarn.

Vi har gratis smaksprøver av syltetøy, urter, spekepølser, epleknask, jordskokk og stevia.
Velkomen innom torgbua vår!
Grøn helsing frå
Randi og Trude

Steviaplanter og graskar frå Tingvoll

Gresskar, en ny besettelse?

Denne veka får vi ulike typar graskar og steviaplanter frå Irja Frydenlund, ein utfløtt vagvær på Tingvoll. Graskar er vi vel alle kjende med, men vi kan fortelja at steviaplanter brukast som naturleg søtningsstoff i staden for sukker, og vi er så heldige å få slike små planter i potter.

La planta de stevia crece en los países de América Central y ...

Plantene er nøysame og treng lite stell, samt er druge i bruk, så ei slik plante bør vera svært kjekk å ha! For at de skal få sjå kva dette er for noko, kjem vi til å ha smaksprøve av steviaplanta.

And the winner is…

premieVinnaren av eit stort glas med sommarhonning frå Per Stabell er kåra.

Petter Storødegård, som var innom oss på Ottamartnan, var nærast av alle og bomma berre med 3 gram på superraudbeta vår. Gratulerer, Petter! Vi tek kontakt for overlevering av premien.

OLYMPUS DIGITAL CAMERA

Så kor mykje vog raudbeta?  Vel, ho tapte seg i vekt ettersom konkurransen pågjekk, så alle bidrag har vorte vurdert ut frå den nærast målte vekta:

6.9.: 1005 g.
13.9.: 930 g.
20.9.: 867 g.26.9.: 842 g.
27.9.: 823 g.
28.9.: 810 g.

Tusen takk til alle som entusiastisk tok imot utfordringa og prøvelyfta på superraudbeta vår. Følg med for fleire konkurransar!

Nyheitsbrev nr 11

Kjære venar av Grøn tråd,
Ottamartnan og Grøn kafe er over for denne gong, og vi er framleis i live! Det var laaange dagar, men det var artig å kunne vise fram ei anna side ved oss sjølve, samt treffe veldig mange trivelege folk.

OLYMPUS DIGITAL CAMERAMange er nok skrekkeleg spente på resultatet av superraudbetkonkurransen vår! Dei må dessverre vente litt til, da vi ikkje har hatt tid til å sjå gjennom alle tippingane enno. Men resultatet blir snarast kunngjort på heimesida vår (www.grontrad.no), samt i neste nyheitsbrev.

Akkurat nå er grønsakssesongen i dalen på topp, og nokon av dei lokale varene vi har tilgang på vil etter kvart ta slutt. Poteter, gulrot, kålrot og raudbete veit vi at vi har nokså stabil tilgang på utover vinteren. Desse blir det framover òg mogleg å bestille større kvantum av; 18 kg-sekkar med poteter frå Søre Kvåle i Skjåk, og 5 kg-sekkar med gulrot, kålrot og raudbete frå Søre Hosar i Skjåk. Ta kontakt om du ønskjer du å «hamstre» desse lokale lagringsgrønsakene til vinteren.

Vi har planar om å ha eit fermenteringskurs temmeleg snart (sannsynlegvis søndag den 19. oktober), der folk kan få lære seg denne sunne og enkle måten å konservere grønsaker på. Du vil få nærare info. om kurset når alt er planlagt, men ta gjerne kontakt om du er interessert i å høyre meir om og evnt. melde deg på kurset.

TrappebildeDenne veka blir vi atter å finne både på Otta og i Vågå, men ved litt andre tidspunkt. Sidan vi båe avspaserer frå skulen vi arbeider ved, vil vi ha torgbua vår på Otta tidlegare på dagen fredag. Laurdag har vi takka ja til å vera med på ein saukårings- og haustmarknadsdag på Klones i Vågå i regi av Vågå Sau og Geit, der det i tillegg vil bli ymse aktivitetar for både store og små. Dette gler vi oss ekstra til!
Slik vil denne veka sjå ut:

  • Utsalsstad:
    Vi blir å finne utanfor Mega på Otta fredag og på Klones i Vågå laurdag.
  • Opningstider:
    Otta: Frå ca. kl. 12.00 – 16.00.
    Vågå: Kl. 12.00 – 16.00/1700.
  • Vareutval:
    Grønsaksutvalet denne veka blir truleg som følgjer:
    Salat, gul og raud kepalauk, sjalottlauk, jordskokk, raudbete, gulbete, sirkelbete, poteter, store tomatar og cherrytomatar, gulrot, grønkål, vinterkål, raudkål, knollfennikel, purre og sellerirot. Vi får òg epler via Aukust.I tillegg har vi som før urtete og -krydder, epleknask (frå Aukrust), spekepølser av storfe/gris og geit, tyting-, rabarbra- og blåbærsyltetøy, egg, honning og alpakkagarn.Vi fortset med gratis smaksprøver av både syltetøy, urter, spekepølser og epleknask.

Velkomen innom torgbua vår!
Grøn helsing frå
Randi og Trude