Alle innlegg av trude

Kvifor Grøn tråd seier nei til nattope

  • Fordi vi ønsker å skjerme menneske og miljø for rovdrift gjennom overproduksjon og overforbruk,
  • fordi vi ønsker å skjerme tida der både kundar og butikkarbeidarar har fri til å drive med andre ting enn handel,
  • fordi korkje kundar, butikktilsette eller -eigarar tener noko på auka opningstider i lengda,

går Grøn tråd nok ein gong mot straumen og seier nei til å halde nattope i morgon. Vi ønsker alle våre gode kundar velkomen til ein triveleg handel i den vanlege opningstida vår frå 10 til 16.

Venleg helsing Randi, Trude og Christine

Vekesprodukt: Salat frå Aukrust og Avdem

Nå er vi så heldige at vi får inn frisk, økologisk salat både frå Aukrust gard i Lom og frå Avdem på Lesja. Det er fleire ulike sortar salat som vi sel i laus vekt, så du kan velje sjølv kva slag og kor mykje du vil ha. Om du kjem innom torsdag, fredag eller laurdag, kan du få ein gratis smaksprøve på salaten.

Vekesprodukt: Glutenfritt knekkebrød frå Den Gode Baker

 

Vi er så fornøgde med å endeleg ha funne eit godt, norskprodusert, glutenfritt økologisk knekkebrød at vi viser det fram som vekesproduktet denne veka.

Knekkebrødet er knasande sprøtt og inneld økologiske, glutenfri havregryn, tapoikamix, solsikke, sesam, linfrø, rapsolje, vatn og himalayasalt.

Den Gode Baker held til i Sandefjord og starta med ein bakar som var lei av halvfabrikata og tilsetningsstoff. Dei bakar brød, rundstykke, kjeks og mykje anna godt av reine, økologiske råvarer, og har fleire glutenfrie produkt.

På torsdag, fredag og laurdag har vi gratis smaksprøve på det glutenfrie, økologiske knekkebrødet. Velkomen innom for ein smak!

Opningstider i påska

Vi ønskjer velkomen til påskehandel

  • måndag 10. april frå 10-17
  • tysdag 11. april frå 10-17
  • onsdag 12. april frå 10-15
  • Påskeeftaen stengt

Resten av påska er handlefrie dagar hjå oss. Då ønskjer vi alle våre kundar deilige avslappande dagar utan stress og mas. Over påske er de alle velkomne attende!

Grøn helsing frå
Randi og Trude

Opningstidar i desember

Slik blir opningstidene våre i desember:

Til og med 18. desember:
Måndag, tysdag, onsdag, fredag: 10-16
Torsdag: 10-17xmas
Laurdag: 10-15
Søndag: Stengt

Siste veka før jul (19.-23.12):
Måndag-fredag: 10-17

I romjula (27.-30.12.):
Tysdag-fredag: 10-15

Julaften, 1. og 2. juledag, nyttårsaften (24.-26.12, 31.12):
Stengt

Som vanleg held ikkje Grøn tråd søndagsope eller ekstra langopenkveldar fram mot jul. Grunnen til dette er at vi ønskjer å stå imot presset på opningstidene i varehandelen. Undersøkjingar viser at korkje butikkar eller kundar ønskjer frislepp av opningstidene, men når nokon byrjar opne lengre, må dei andre likevel følgje etter for ikkje å tape kundar. Resultatet blir mellom anna

  • rovdrift på naturen fordi folk handlar enda meir dei ikkje treng
  • rovdrift på dei butikktilsette som må jobbe til meir og meir
    ubekvemme tider
  • at vi alle får mindre og mindre tid som er fri frå stress og
    mas
  • at det blir dyrare å drive butikk fordi det trass alt er grenser
    for kor stort salspotensial det finst, noko som vidare fører til
    auka prisar.

Alt i alt håpar vi kundane våre set pris på at vi ønskjer dykk
(og oss) handlefrie søndagar og elles normale opningstider!

Venleg helsing Randi og Trude i Grøn tråd

Vekesprodukt: Grønsaker frå Nord-Gudbrandsdal

GulrotDenne veka vil vi gjera litt ekstra stas på lokalgrønsakene våre. Dette er produkt vi er spesielt glade i og stolte av. Det er ikkje alltid så lett å  oppfylle målet vårt om å selje varer som er både sunne, reine, økologiske og stuttreiste, men lokalgrønsakene våre lever opp til alle desse krava. Dei var òg dei første produkta vi selde da vi starta opp for drygt to år sidan. Grønsakene våre er økologisk dyrka og kjem frå Nordgard Aukrust i Lom, Søre Kvåle og Søre Hosar i Skjåk, og frå Nordgard Råstad i Vågå. Du kan lesa meir om dei lokale produsentane våre her.

Kom innom ein tur torsdag, fredag eller laurdag, så får du ein smak av dei friske økologiske lokalgrønsakene våre.

OLYMPUS DIGITAL CAMERA PolkabeterPurreSalat_croppedTomat_croppedOLYMPUS DIGITAL CAMERAKål

Vekesprodukt: Søstrene Råstads viltkrydder

viltkrydderDenne veka vil vi gjerne få vise fram viltkrydderet frå Søstrene Råstad. Det er ei krydderblanding med einerbær, rognebær, sar, oregano og ryllik som eigner seg særs godt til viltgryter og -sausar.

Urtene er økologiske, og dei er både dyrka, tørka og pakka på Nørdre Dalain i Skjåk av Ågot og Magnhild Råstad. Urtepoduksjonen på garden er Debio-godkjend, men det er ikkje pakkinga, og dimed er ikkje pakkene økomerka. Vi tykkjer det er viktigare at reine, stuttreiste økologiske produkt som dette kjem til sin rett enn kva som står på pakka! 😉Ågot Råstad

Stikkelsbærlimonade frå Kroken i Sogn

stikkelsbærlimonade KrokenDet utvalde produktet vårt denne veka er økologisk stikkelsbærlimonade frå Kroken frukt og bær  i Sogn.

Limonaden er laga med økologisk dyrka stikkelsbær.  Kroken frukt og bær (http://www.haukadal.no) dyrkar økologisk på eigen gard, og kjøper  òg inn økologisk frukt og bær så lokalt som mogleg, dvs. i indre Sogn. I tillegg til råsaft av stikkelsbær inneheld limonaden økologisk råsukker, kullsyre og vatn.

Kroken lagar òg andre produkt av frukt og bær, og i butikken vår kan vi òg tilby fleire sortar syltetøy, samt rabrabralimonade og eplemost.

Kom innom torsdag, fredag eller laurdag for ein gratis smaksprøve.

 

Vekesprodukt: Urtesalt frå Aukrust gard og urteri i Lom

urtesalt aukrustIslandsk flaksalt med økologiske urter frå solveggen på Aukrust gard og urteri i Lom! Urtesaltet er samansett for å få fram mest mogleg aroma – slik at ein mellom anna ikkje treng bruke så mykje salt.

Saltbasen liknar mykje på det meir kjende, engelske maldonsaltet, men kjem altså frå Island, der saltet vert utvunne frå sjøvatn ved hjelp av vulkansk varme.

Både salt og urter er grove og malast før bruk. På denne måten får du alltid nymale urtesalt, som gjev den beste aromaen. Kjøper du urtesaltet med tilhøyrande kvern, får du ei kvern av god kvalitet. Eit kvernhus av keramikk sørgjer for at ho varer mykje lengre enn ei kvern med plastkvernhus. Du kan sjølvsagt òg kjøpe urtesaltet i refillpakkar utan kvern, om du ønskjer det.

Klassisk urtesalt frå Aukrust inneheld, i tillegg til islandsk flaksalt, lauk, persille, timian,  basilikum, selleriblad, grønkål, gulrot, dill, raudbet og paprika. Det er ei mild blanding som passar til alt, både varme og kalde rettar eller strødd over salat, ost, egg og mykje anna.

Kom innom torsdag, fredag eller laurdag for ein smak!