Julefred-te i lausvekt frå Aukrust i Lom innheld grønmynte, pepparmynte, granskot, eple, hibiskus, kornblome, nype, nellik, appelsin, kanel, anis, pære, kardemomme, raudbet og ingefær.
Kok opp vatn, hell over urtene og la trekkje i 6 – 10 minutt.
Kom gjerne innom om smak på teen torsdag, fredag eller laurdag!
Manglar du ei gåve og veit ikkje heilt kva du skal kjøpe, så er kanskje eit gåvekort hjå Grøn tråd midt i blinken?
Korta er heimelaga av oss, med litt teiknehjelp av mannen til Randi, Joe. Konvoluttane er redesign, laga av gamle brosjyrer o.l.
I morgon trør Randi til på julemarknad att, denne gongen i Presthaugen i Lom. Ho tar med seg eit godt utval av økologiske og stuttreiste Grøn tråd-produkt til glede for gamle og nye kundar.
Butikken på Otta er sjølvsagt òg open som vanleg 
Mange har spurt oss kvar det vart av redesignkleda til Elisabeth S. Wentzel i Alucita redesign frå Heidal som vi hadde i butikken vår ei stund. Nå er dei her att, med 20% rabatt fram til jul! Kjøper du redesign, kjem du nesten garantert til å ha eit heilt unikt produkt, og du gjer i tillegg miljøet ei teneste.
For å vise fram redesignkleda litt betre, knipsa vi Elisabeth og oss sjølve med diverse kjolar på. Fotosesjonen gjekk i hui og hast, og vi er korkje proffe modellar eller fotografar, men resultatet vart da ikkje så aller verst likevel!
Det er kanskje ikkje så lett å sjå, men vi har òg på oss flotte redesignsmykke frå Irene Fagernes Keyn i IFK Design frå Otta. Desse smykkene finn du òg hjå Grøn tråd.
Velkomen på ein grøn handel!
Nå har vi vore kreative og laga julekalender for te-elskarar. Den består av ein ny tesmak for kvar dag frå utvalet vårt av økologisk Pukka-, Yogi- og Clipper-te, det heile pent dandert i ein koseleg, brukt gløggbolle som kan vera fin å ha også etter at teen er drukke opp.
Gløggbollane kjem frå Ting og Tøy på Otta. Der får du òg matchande koppar om du ønskjer det.
– Hjelp oss med å finne frosken!
Denne vesle, grøne krabaten har i det siste byrja med irriterande froskestrekar; han har nemleg starta med å leike gøymsel så han skal sleppe å leggje seg når vi stengjer butikken for dagen. Han gøymer seg absolutt overalt i butikken, og vi strevar fælt med å finne han att og byrjar å bli lei av å leite etter han. Ikkje seier han «pip» eingong.
Derfor spør vi nå om de kundane våre kan hjelpe oss med å finne han fram til og med julekvelden. Etter det reiser han på ferie til grønare land eit par veker, så da får vi håpe at han veks av seg unotane til han kjem heim att. Viss de klarar å finne han, blir de med i trekninga av ei stuttreist overrasking. Vi blir skrekkeleg takknemlege for alle som vil koma innom og hjelpe oss med å leite!
Den søte og gode druejuicen frå Meinklang, blanda med rosinar og mandlar frå Manna og ikkje minst gløggkrydder frå Aukrust gard og urteri gjev ein sunn og velsmakande gløgg som anbefalast på det varmaste, både som gåve og til deg sjølv.
Søndag skal vi på julemarknad på Otta frå kl. 14 – 18. Dette er den siste julemarknaden vi er med på i år. Med på laget får vi Elisabeth Stadeløkken Wentzel frå Alucita som sel frå redesignkolleksjonen sin.
Vi har elles ikkje tenkt å vera med på søndagsope eller ekstra langopenkveldar fram mot jul. Grunnen til dette er at vi meiner det er eit press på varehandelen i våre dagar som
i ytterste konsekvens fører til ekstreme opningstider som t.d.
nattopne butikkar. Undersøkjingar viser at korkje butikkar eller
kundar ønskjer dette, men når nokon byrjar opne lengre, må dei
andre likevel følgje etter for ikkje å tape kundar. Resultatet
blir mellom anna
Alt i alt håpar vi kundane våre set pris på at vi ønskjer dykk
(og oss) handlefrie søndagar og elles normale opningstider!
Venleg helsing Randi og Trude i Grøn tråd
Nå har vi fått inn ein del nye varer, bl.a. varer som eignar seg veldig godt som julegåver og i julebaksten:
-Løp og kjøp! ;-D
