Merkelapparkiv: vekesprodukt

Vekesprodukt: Glutenfritt knekkebrød frå Den Gode Baker

 

Vi er så fornøgde med å endeleg ha funne eit godt, norskprodusert, glutenfritt økologisk knekkebrød at vi viser det fram som vekesproduktet denne veka.

Knekkebrødet er knasande sprøtt og inneld økologiske, glutenfri havregryn, tapoikamix, solsikke, sesam, linfrø, rapsolje, vatn og himalayasalt.

Den Gode Baker held til i Sandefjord og starta med ein bakar som var lei av halvfabrikata og tilsetningsstoff. Dei bakar brød, rundstykke, kjeks og mykje anna godt av reine, økologiske råvarer, og har fleire glutenfrie produkt.

På torsdag, fredag og laurdag har vi gratis smaksprøve på det glutenfrie, økologiske knekkebrødet. Velkomen innom for ein smak!

Vekesprodukt: Kylling thai frå Østerås

Vekesproduktet nå er kylling thai frå Raske Retter på Østerås i Oslo. Dette er ein poserett der ein tilset nokre få andre ingrediensar. Denne sursøte retten er meir sterk enn søt, og er dermed litt annleis enn andre sursøte rettar.

Raske Retter  drivast av Stephan Krogh. I tillegg til å vera økologiske, er rettane frie for palmeolje eller modifisert stivelse, og dei er nøye tilpassa norske smakspreferanser med bl.a. lågt saltinnhald. Stefan Krogh lanserte dei fyrste økologiske krydderblandingane sine i 2012, med forretningsidèen om å skape ein plass for økologiske tørrvarer i Toro-verda. Les meir om Raske Retter her.

Som vanleg har vi smaksprøve av vekesproduktet torsdag, fredag og laurdag. Velkomen innom!

Vekesprodukt: Grønsaker frå Nord-Gudbrandsdal

GulrotDenne veka vil vi gjera litt ekstra stas på lokalgrønsakene våre. Dette er produkt vi er spesielt glade i og stolte av. Det er ikkje alltid så lett å  oppfylle målet vårt om å selje varer som er både sunne, reine, økologiske og stuttreiste, men lokalgrønsakene våre lever opp til alle desse krava. Dei var òg dei første produkta vi selde da vi starta opp for drygt to år sidan. Grønsakene våre er økologisk dyrka og kjem frå Nordgard Aukrust i Lom, Søre Kvåle og Søre Hosar i Skjåk, og frå Nordgard Råstad i Vågå. Du kan lesa meir om dei lokale produsentane våre her.

Kom innom ein tur torsdag, fredag eller laurdag, så får du ein smak av dei friske økologiske lokalgrønsakene våre.

OLYMPUS DIGITAL CAMERA PolkabeterPurreSalat_croppedTomat_croppedOLYMPUS DIGITAL CAMERAKål

Vekesprodukt: Søstrene Råstads viltkrydder

viltkrydderDenne veka vil vi gjerne få vise fram viltkrydderet frå Søstrene Råstad. Det er ei krydderblanding med einerbær, rognebær, sar, oregano og ryllik som eigner seg særs godt til viltgryter og -sausar.

Urtene er økologiske, og dei er både dyrka, tørka og pakka på Nørdre Dalain i Skjåk av Ågot og Magnhild Råstad. Urtepoduksjonen på garden er Debio-godkjend, men det er ikkje pakkinga, og dimed er ikkje pakkene økomerka. Vi tykkjer det er viktigare at reine, stuttreiste økologiske produkt som dette kjem til sin rett enn kva som står på pakka! 😉Ågot Råstad

Stikkelsbærlimonade frå Kroken i Sogn

stikkelsbærlimonade KrokenDet utvalde produktet vårt denne veka er økologisk stikkelsbærlimonade frå Kroken frukt og bær  i Sogn.

Limonaden er laga med økologisk dyrka stikkelsbær.  Kroken frukt og bær (http://www.haukadal.no) dyrkar økologisk på eigen gard, og kjøper  òg inn økologisk frukt og bær så lokalt som mogleg, dvs. i indre Sogn. I tillegg til råsaft av stikkelsbær inneheld limonaden økologisk råsukker, kullsyre og vatn.

Kroken lagar òg andre produkt av frukt og bær, og i butikken vår kan vi òg tilby fleire sortar syltetøy, samt rabrabralimonade og eplemost.

Kom innom torsdag, fredag eller laurdag for ein gratis smaksprøve.

 

Vekesprodukt: Urtesalt frå Aukrust gard og urteri i Lom

urtesalt aukrustIslandsk flaksalt med økologiske urter frå solveggen på Aukrust gard og urteri i Lom! Urtesaltet er samansett for å få fram mest mogleg aroma – slik at ein mellom anna ikkje treng bruke så mykje salt.

Saltbasen liknar mykje på det meir kjende, engelske maldonsaltet, men kjem altså frå Island, der saltet vert utvunne frå sjøvatn ved hjelp av vulkansk varme.

Både salt og urter er grove og malast før bruk. På denne måten får du alltid nymale urtesalt, som gjev den beste aromaen. Kjøper du urtesaltet med tilhøyrande kvern, får du ei kvern av god kvalitet. Eit kvernhus av keramikk sørgjer for at ho varer mykje lengre enn ei kvern med plastkvernhus. Du kan sjølvsagt òg kjøpe urtesaltet i refillpakkar utan kvern, om du ønskjer det.

Klassisk urtesalt frå Aukrust inneheld, i tillegg til islandsk flaksalt, lauk, persille, timian,  basilikum, selleriblad, grønkål, gulrot, dill, raudbet og paprika. Det er ei mild blanding som passar til alt, både varme og kalde rettar eller strødd over salat, ost, egg og mykje anna.

Kom innom torsdag, fredag eller laurdag for ein smak!

Vekesprodukt: Geitpølse frå Vågå

Geitpølse frå Valbjør gard i Vågå er laga av 75 % geitkjøt frå eigne geiter, 25% spekk av svin, samt salt, pepar, allehånde og karve. Dette er ein av få spekepølser som ikkje inneheld nitritsalt, noko vi tykkjer er supert! Pølsa er ikkje Debio-godkjend.

Den gamle, vakre garden Valbjør ligg i Øvre Nordherad i Vågå, og har drive med geit og økologisk drift i ein god del år. Les meir om Valbjør her.

Torsdag, fredag og laurdag har vi smaksprøve av geitpølsa, så kom gjerne innom og få ein smak!

Vekesprodukt: Øko. syltetøy frå Sogn

Denne  veka viser vi fram syltetøy frå Kroken frukt og bær i Kroken i Sogn. Syltetøyet deira inneheld økologisk bær eller frukt, rårøyrsukker, pektin og vinsyre, og er Debio-godkjend. I butikken vår har vi stikkelsbærsyltetøy, bringebærsyltetøy og appelsinmarmelade.

Kroken frukt og bær  (http://www.haukadal.no) dyrkar økologisk på eigen gard, og i tillegg kjøper dei inn økologisk frukt og bær så lokalt som mogleg, dvs. i indre Sogn. Skogsbær blir plukka lokalt. Kroken lagar òg andre produkt av frukt og bær, og i butikken vår kan vi i tillegg til syltetøy tilby stikkelsbærlimonade,  rabrabralimonade og eplemost.

Kom gjerne innom torsdag, fredag eller laurdag for å få smaksprøve!

Vekesprodukt: Økologisk kylling frå Homlagarden i Hardanger

kylling-rett-før-omn-845x684Økologisk kylling frå Homlagarden er fri for narasin og har levd eit godt liv med mykje frisk luft og naturleg og økologisk fôr. Dei får òg leve lenger før slakt enn «konvensjonell» kylling, og er difor mykje større – omlag tre kilo i snitt.

Homlagarden  Aksnes i KvØkologisk kylling frå Hardangeram i Hardanger er ein nyskapande gardsbedrift som bidreg til utvikling av lokalt økologisk landbruk og god utnytting av ressursar gjennom samarbeid med andre gardar. Eit eksempel på dette er at dei leiger sauefjøs og heimebeiter til oppal av kalkun om sommaren når sauen går i fjellet.

Velkomen innom oss torsdag, fredag eller laurdag for ein smak av Homlagardenkylling!

Vekesprodukt: Heilmjølk frå Røros!

HeilmjølkDenne veka er vekesproduktet vårt altså heilmjølk frå Rørosmeieriet, det framste økologiske meieriet i Norge. Mjølka er lågpasteurisert og ekstra smakfull, noko meieriet hevdar kjem av følgjande: «Der graset gror sakte, blir mjølka ekstra god. I økologisk gårdsdrift får gress og urter høyt næringsinnhold og blir til smaksrikt, saftig fôr til kua. Mjølka behandles skånsomt helt frem til ferdig produkt. Det gir ekstra smakfull mjølk med høy kvalitet.» (sjå http://www.rorosmeieriet.no).

 

 

Vi kan anbefale denne mjølka på det varmaste, og har du lyst til å prøve ho sjølv, må du gjerne koma innom og få smaksprøve torsdag, fredag eller laurdag.